چشمہ نیوکلیئر پاور پلانٹ یونٹ 1 (سی ون) نے اپنے 18ویں آپریٹنگ سائیکل کے دوران مسلسل 427 دن تک محفوظ طریقے سے کام کر کے نیا ریکارڈ قائم کیا ہے۔ پاکستان اٹامک انرجی کمیشن (پی اے ای سی) کے مطابق یہ پاکستان میں جوہری بجلی گھروں کی تاریخ کا طویل ترین بلا تعطل آپریٹنگ سائیکل ہے۔
325 میگاواٹ صلاحیت کا یہ پلانٹ پی اے ای سی کے زیر انتظام ہے۔ ڈان کے مطابق کمیشن نے بتایا کہ 2026 کی پہلی دو سہ ماہیوں میں اس یونٹ نے ورلڈ ایسوسی ایشن آف نیوکلیئر آپریٹرز (وانو) کے پرفارمنس انڈیکس میں 100 اسکور حاصل کیا۔
کمیشن نے اس کامیابی کا سہرا چشمہ نیوکلیئر پاور جنریٹنگ اسٹیشن کے انجینئرز، سائنسدانوں اور عملے کی تکنیکی مہارت اور جوہری حفاظتی معیارات کی پابندی کو دیا ہے۔
