ایتھوپیا میں شدید لڑائی، شمالی علاقوں میں انٹرنیٹ سروس متاثر

ایتھوپیا میں وفاقی حکومت اور تیگرے پیپلز لبریشن فرنٹ (ٹی پی ایل ایف) اور اس کے اتحادی چھ مسلح گروہوں کے درمیان لڑائی میں شدت آ گئی ہے۔ اے ایف پی کے مطابق اس ہفتے تیگرے کے باغیوں نے مقامی ہوائی اڈوں پر قبضہ کیا اور ہمسایہ علاقوں عفار اور امہرا میں حملے کیے۔

عفار اور تیگرے کی سرحد پر واقع قصبے ابالا کے گرد رات بھر شدید لڑائی کی اطلاعات ملیں۔ ایک امدادی ذریعے کے مطابق "وفاقی افواج نے باغیوں کو قصبے میں داخل ہونے سے روک دیا۔” شمالی وولو زون میں، جہاں یونیسکو کے عالمی ورثے میں شامل لالی بیلا کے گرجا گھر واقع ہیں، بھی جھڑپوں کی اطلاعات ہیں۔

انٹرنیٹ کی بندش

انٹرنیٹ کی نگرانی کرنے والے ادارے نیٹ بلاکس نے تصدیق کی کہ شمالی ایتھوپیا میں انٹرنیٹ میں خلل آیا ہے، جو تیگرے میں ٹیلی کام بلیک آؤٹ کی اطلاعات سے مطابقت رکھتا ہے۔

واضح رہے کہ 2020 سے 2022 تک جاری رہنے والی خانہ جنگی میں تقریباً 6 لاکھ افراد ہلاک ہوئے تھے اور 2022 کے پریٹوریا امن معاہدے کے بعد ایک نازک جنگ بندی قائم ہوئی تھی۔ اب بھی تقریباً 10 لاکھ افراد بے گھر ہیں۔