سری لنکا نے لیڈز کے ہیڈنگلے گراؤنڈ میں کھیلے گئے دوسرے ون ڈے میں انگلینڈ کو 16 رنز سے شکست دے کر تین میچوں کی سیریز 1-1 سے برابر کر دی۔
اے ایف پی کے مطابق سری لنکا نے پہلے بیٹنگ کرتے ہوئے 6 وکٹوں پر 321 رنز بنائے۔ کپتان کوشال مینڈس نے 82 گیندوں پر 121 رنز کی اننگز کھیلی جس میں 12 چوکے اور 3 چھکے شامل تھے۔ کامندو مینڈس نے 54 رنز بنائے۔
جواب میں انگلینڈ کی پوری ٹیم 305 رنز پر آؤٹ ہو گئی۔ ٹام بینٹن نے 73، جوس بٹلر نے 69 اور بین ڈکٹ نے 67 رنز بنائے۔ بٹلر بائیں ہیمسٹرنگ کی تکلیف کے باعث ریٹائرڈ ہرٹ ہوئے۔ بائیں ہاتھ کے اسپنر دنیت ویلالاگے نے 49 رنز دے کر 3 وکٹیں حاصل کیں۔
کوشال مینڈس کو میچ کا بہترین کھلاڑی قرار دیا گیا۔ انگلینڈ نے سیریز کا پہلا میچ 89 رنز سے جیتا تھا۔ فیصلہ کن تیسرا میچ اتوار کو لندن کے اوول گراؤنڈ میں کھیلا جائے گا۔
